［實測！］陳易希整嘅 TALK+ 得唔得？等 CoinDaily 話你知喇

緊貼世界各地區塊鏈社群最新資訊，追蹤 Coindaily 社交平台！
加入 TG 頻道： https://t.me/coindaily_official
Facebook：https://www.facebook.com/CoinDaily_official
Instagram：https://www.instagram.com/coindaily.official

大家唔知邊個係陳偉霆都一定知邊個係陳易希［星之子］— 當年年紀輕輕就為港爭「星」，近年開左自己既科創公司 Bull.B Tech 重涉足加密貨幣領域，出左個加密貨幣貨幣手機應用程式「TALK+」，支援既幣種都唔少，目的係希望可以將加密貨幣直接連結日常消費。睇黎遲用早 Bitcoin 都食到雲吞麵，我地就唔洗再比世人恥笑了。雖然目前暫時淨係支援 Pricerite 實惠 全線分店以加密貨幣付款，但相信慢慢擴大到唔同既商戶既時日就不遠了。

今日小編就膽粗粗就去左實惠門市問，到底 TALK+ 係咪真係用得既呢，我地買起野上黎又會點呢？店員就回覆我地講到話：「TALK+ 啱啱出左兩日係全線實體門市都可以用到。」而小編最重視既就係實際比錢可以用咩加密貨幣同佢既價係點得出黎呢，中間又有冇手續費呢？店員就回應到話：「交易係唔會產生手續費，幣價會用美金結算再同港元掛勾嘅價去計，幣價唔清楚，應該以 App 價計算。」聽落都算係 fair play。

而係早前既 TALK+ x Pricerite 實惠加密貨幣迎新春發佈會入面，陳易希都有提及到 TALK+ 可以連祝賀語封利事比人，認真環保又夠潮。重要入港幣 200 元就有 10 USDT (約為港幣 78 元) free money 小編見到都忍唔住比佢 shill 到 download 左個「TALK+」app 黎用下。但如果用C2C交易平台就淨係可以買USDT；用 CoinUnited ATM 就好少少，支援 BTC、Doge、ETH、LTC、USDT；

而 Transak 就支援更多既幣種，但小編就淨係可以買少於 500 美元既加密貨幣而買幣既時候，Transak 平台亦會收取偏貴既手續費，以 USDT 為例，買 500 美金既 USDT 就要比35美金既手續費，名符其實既未見官先打三百大板。

小編見到雖然 TALK+ 好似 support 好多幣嘅 “轉帳”，但本身 TALK+ 可買到嘅幣種唔多，見唔到有得幣種互 swap，我地又冇得係鏈上 deposit 入 TALK+，所以好多幣嘅轉帳都係有得睇冇得用。而且射返出鏈既都會有手續費，貴唔貴抵唔抵射就見人見智了。不過相信 Talk+ 都重係好起步嘅階段，未來應該會有更多嘅配套及支援掛。