大跌市更新 To-Buy-List

緊貼世界各地區塊鏈社群最新資訊，追蹤 Coindaily 社交平台！

加入 TG 頻道： https://t.me/coindaily_official

Facebook：https://www.facebook.com/CoinDaily_official

Instagram：https://www.instagram.com/coindaily.official

大跌市就更新左一下自己既　to-buy-list。小編自己個人就看好公鏈幣及與　web 3.0 相關的幣種或在技術層面能為整體幣界生態有正向作用的幣。

對上一次大跌市小編想買既　Atom, Link 及 GTC 會繼續在我加倉清單之中，當時就簡單介紹過咩係 DCA，有興趣的讀者可以按此重溫。今次小編我就會連同圖表同大家簡單講下我會買咩，然後簡單講下大約會係咩位置買。

小編稍稍今早有提及過，由於 BTC 大機率於大跌後有一段時間的波動，個人不建議盲目摸底。

如圖中所見，BTC　約 5-7 月期間在 $41000 左右區間進行了一次SR Flip (黃色箭咀位置- 原阻力位變成支持) ，而目前我們仍處於測試支持位置，階段來回震盪中 (橙色箭咀位置)，如果圖中的支持位變回阻力 (橙線) 則有機會先測試 $36500 左右水平，如跌穿粉紅色下降趨勢間隔則有機會繼續下跌。

BTC 作為大哥，基本上主宰幣市升跌的大方向。現時幣市比較弱，由 11 月開始陰跌綿綿，亦未有明顯的轉勢。所以我會繼續用 DCA (Dollar-Cost Averagng) 既方法，一直直到世界末日。

以下係小編自己既 To-Buy List (打定出黎遲 D 可以鞭自己屍)

ATOM 係比較硬既一隻 coin，即使係日線圖都有著很明顯的上升趨勢，EMA 亦未見明顯的轉勢。小編會於 $35左右及前針$33-34左右先小注掛單加倉。

Fantom 同 Atom 情況類似。但小編認為未來 Fantom鏈上的 Ve (3,3) 會為Fantom 帶來動能 (即係錢)。所以小編已加注，短期內目標買入價約為 $2.2。$1.7目標價個人認為除非BTC 繼續跌，否則就較難摸到。

Harmony 的上升勢趨勢已穿，Ema 亦有想轉勢的跡象，如果ONE 會至 $0.22，小編會根據市況加倉。

Near 同樣十分強勢，小編自己已小注買入，期望 $13.2 左右可以加倉。

Dot相對較弱，目前正在支持位 (~$22.5) 位置角力中。如穿支持，小編會在 $20 位置開始留意再根據市況決定是否進場，目標價為 $17。

GTC係小編好鐘意既幣之一 (情感注)。我覺得係 crypto 的世界入面，錢並非萬能，因為冇 dev 就萬萬不能，背後默默做既dev先係幕後功臣。在之前文章已提及過後，小編已於 $10 左右小注買入，現時 $8.8 左右已加倉，未來如到 $6.8小編再會加倉，到 $6小編就會跳樓 (講笑)

Link 的話，小編已在 $22 左右加倉，$17-19 區間都係我既買入水平，已打算逐步加倉了。

AR 作為Web3.0數據存儲庫之一，小編相信未來會大有作，目前在支持位盤旋，現價 $38.5已買入，如跌穿支持，可能會跌回 $32甚至 $24，所以小編會於$35 set定 stop loss，根據市況決定是否放出。

總論：

現時的幣市大分不穩定，如果見跌完就覺得係底盲目ape in，多數都會GG，即使分段撈底，都要諗定自己既止蝕價格同 trading rules，以防大市又大跌，跌到無底既時候先掛單或者慢慢諗就會太遲了。而以上只係小編本人既個人見解，並非投資建議，投資前小心衡量風險及求證係長遠穫利的不二法門。