李克勤加盟曼聯指日可待，至於譚詠麟。。。

緊貼世界各地區塊鏈社群最新資訊，追蹤 Coindaily 社交平台！

加入 TG 頻道： https://t.me/coindaily_official
Facebook：https://www.facebook.com/CoinDaily_official
Instagram：https://www.instagram.com/coindaily.official

體育界陸續推出俱樂部貨幣，足球界有波圖、曼城、PSG等，紛紛湧上幣安分一杯羹。相比玩 Fantasy League 更過癮之處，是貨幣持有者可以參與球會投票、儲球星 NFT、擁有官方球迷虛擬勳章，日後更可能按持有量到現場包箱睇波等。幣安直接開了「Fan Token」專頁，很可能是 Game Fi 後最大娛樂版塊。

身為 Fan Token 幕後搞手的 Chiliz 建於 Ethereum，自己推出 $CHZ Chiliz coin，同時經營 socios.com，專門與世界頂級球會合作推出貨幣。球迷需要在 socios 用 $CHZ 交易球會 token，感覺跟打 Fifa Ultimate Team 沒甚麼分別。

可以投票影響球隊決定，諗起都興奮。「我要換領隊！」「PSG應該買C朗，同美斯一齊」。講起 PSG，開季後就算美斯加盟，依然踢得麻麻。會唔會同貨幣有關？的確，4,100萬美元年薪的美斯，有部份薪酬以 $PSG Fan Token 收取，表示球迷應該身體力行，支持美斯之餘又支持 $PSG，令美斯薪酬 to the moon，佢就會跑多兩步入多兩「粒」。不過，$PSG 在美斯加盟前後由 20 蚊美金爆上 50 幾蚊後，3 個月又返回 20 蚊，唔通真係同入波有關？

如果真心覺得「幣圈終於可以跟現實世界互動啦，正！」的話，我覺得諗多咗。不見得日後管理層會因為大家的投票，而影響球隊架構。早幾季阿仙奴的暴龍哥在 Twitter 帶起 Wenger Out，又不見得球會會聽，因為大家只是球迷，只是付了錢入場睇波買波衫，甚至到今時今日擁有球隊的虛擬貨幣，大家並非股東。

看一下波圖 FC Porto，為人熟悉的是波圖足球隊，但 FC Porto 官網原來包括波圖排球隊、籃球隊、手球隊。。。根據幣安的 $PORTO 研究表示，持有人的「Benefit」是有機會擁有簽名產品、與球星見面等，統統都是現在用歐羅都可以擁有的。最近波圖更在幣安讓貨幣持有人投票，選擇其中一場球賽時的熱身歌，還有另一場賽事送給球迷的歡迎語。

雖然蘇斯克查 (Ole Gunnar Solskjær) 不用球迷投票便離開曼聯，假如曼聯日後推出貨幣，我們有機會推李克勤幫曼聯唱熱身歌，但幣家拎最想的，是可以選擇自己和誰一起支持曼聯，例如身邊有位像譚詠麟的球迷。。。